ਤਰਸੇਮ ਜੱਸੜ ਤੇ ਨਿਮਰਤ ਖਹਿਰਾ ਦੀ ਫਿਲਮ "ਅਫ਼ਸਰ" ਦਾ ਪੋਸਟਰ ਰਿਲੀਜ

"ਰੱਬ ਦਾ ਰੇਡਿਉ" ਤੇ "ਸਰਦਾਰ ਮੁਹੰਮਦ " ਦੀ ਸਫਲਤਾ ਤੋ ਬਾਅਦ ਹੁਣ ਤਰਸੇਮ ਜੱਸੜ ਤੇ ਨਿਮਰਤ ਖਹਿਰਾ ਦੀ ਜੋੜੀ ਤੁਹਾਨੂੰ ਅਫਸਰ ਫਿਲਮ ਵਿੱਚ ਵੇਖਣ ਨੂੰ ਮਿਲੇਗੀ । ਇਹ ਫਿਲਮ ਨਿਮਰਤ ਖਹਿਰਾ ਦੇ ਲਈ ਵੀ ਬਹੁਤ ਖਾਸ ਹੈ ਕਿਉਕਿ ਇਸ ਫਿਲਮ ਵਿੱਚ ਉਹ ਤਰਸੇਮ ਜੱਸੜ ਨਾਲ ਲੀਡ ਰੋਲ ਤੇ ਹਨ। ਤੇ ਗੱਲ ਕਰੀਏ ਤਰਸੇਮ ਜੱਸੜ ਨਾਲ ਅਫਸਰ ਸ਼ਬਦ ਦਾ ਨਾਮ ਜੁੜਨ ਦੀ ਇਹ ਉਦੋ ਜੁੜਿਆ ਜਦੋ ਉਹ ਪਿਛਲੇ ਸਾਲ ਇੰਗਲੈਂਡ ਦੀ ਧਰਤੀ ਤੇ ਆਪਣੇ ਅਖਾੜੇ ਲਾਉਣ ਗਏ ਸੀ ਤੇ ਉਥੇ ਕਿਸੇ ਔਰਤ ਨੇ ਅਸੀਸ ਦਿੱਤੀ ਤੇ ਕਿਹਾ ਕੀ ਕਾਕਾ ਤੂੰ ਤਾ ਅਫਸਰ ਹੈ ਨਾ । ਬਸ ਉਸ ਦਿਨ ਤੋ ਹੀ ਤਰਸੇਮ ਜੱਸੜ ਭਾਜੀ ਵੱਲੋ ਇਸ ਤੇ ਫਿਲਮ ਬਣਾਉਣ ਦਾ ਵਿਚਾਰ ਕੀਤਾ। ਆਪਣੀ ਪਰਸਨੈਲਿਟੀ ਕਰਕੇ ਤਾ ਉਹ ਪਹਿਲਾ ਹੀ ਜਾਣੇ ਜਾਦੇ ਹਨ ਤੇ ਆਪਣੇ ਚਾਹੁੰਣ ਵਾਲੀਆ ਦੇ ਬਹੁਤ ਕਰੀਬ ਹਨ । ਅਸਲ ਜਿੰਦਗੀ ਵਿੱਚ ਅਫਸਰਾਂ ਵਾਗ ਲੱਗਣ ਵਾਲੇ ਤਰਸੇਮ ਜੱਸੜ ਹੁਣ ਫਿਲਮੀ ਦੁਨੀਆ ਵਿੱਚ ਕਿੰਨਾ ਕੁ ਅਫਸਰਾਂ ਵਾਲਾ ਰੋਹਬ ਦਿਖਾਉਦੇ ਹਨ ਤੇ ਇਸ ਵਿੱਚ ਕਿੰਨੀ ਕੁ ਜਾਨ ਪਾਉਦੇ ਹਨ ਇਹ ਤਾ ਫਿਲਮ ਆਉਣ ਤੇ ਹੀ ਪਤਾ ਚੱਲੇਗਾ । ਟਰੇਲਰ ਵੀ ਫਿਲਮ ਦਾ ਬਹੁਤ ਜਲਦ ਤੁਹਾਡੇ ਨਾਲ ਸਾਝਾ ਕਰਾਂਗੇ ਤੇ ਦੱਸ ਦਈਏ ਫਿਲਮ 5 ਅਕਤੂਬਰ ਨੂੰ ਵਿਹਲੀ ਜਨਤਾ ਦੇ ਬੈਨਰ ਹੇਠ ਰਿਲੀਜ਼ ਹੋ ਰਹੀ ਹੈ।